得唔得架~~

又牙痛 ~ 又去萬寧執返劑 Lysozyme ~ 食 3 粒好返 8成.  食哂睇下點先. 而家都幾麻煩, 停用 Sensodyne就即刻牙痛 ~~ 三十幾蚊枝真係貴囉

呢個星期幾頹 ~~ 好冇 mood ~ 不過..唔會返去半年前喇.  半年前其實好多樣o野撈埋~~都係唔好提了~~ 又諗起好多o野.   一諗起又唔開心.

剛剛聽新聞, 英國將會注資入銀行, 間間都過千億港紙…. 其實 係咪得呢~~ 而家問題係有錢o既唔敢借出去, 冇錢o既借唔到.  政府注資只能解決銀根緊問題, 但解決唔到唔敢借出, 於是仍然有人叫救命而借唔到…. 導致金融停頓…引發大亂.   蛙就唔係咁樂觀~~今個星期 可能再惡化. 出年年頭應該開始影響香港….最少持續兩三年.

自從 97後未停過隔幾年就多災多難….. 97 前快樂得多.可惜一去不返.