牙痛終於好返9成 買枝果汁先生飲下~


牙痛終於好返9成.  做法係 Corsodyl + Panadol + 消炎藥 (去萬寧搵藥劑師, 盛惠 12大元)

哈哈~~ 唔使去比牙醫屈.  上次又係同樣情況睇左我六百大元.

Corsodyl Pns/MN/wats/wc 賣 $79.9 至$92 元.

我去藥房就 $58   真係好離譜呀.  Panadol 食左30粒左右. 唉 ~~ 總數…百一蚊左右啦. kakaka 唔使比人叫剝牙   我唔鍾意牙醫撐住蛙口亂搞廿四~

好返 d 咁就去W買枝果汁先生飲下, 比 $103 個收銀, 佢當我比 $23, 找返 1 毫子比我 ~~ 百幾蚊枝橙汁???!! 我話張一百蚊來架~~….. 於是要我等佢將收銀機所有錢加一次數, 我話你唔係下嘩~~ 佢答我…”好快o者…(check 下我有冇呃佢)”….. 於是我就轉身向經理投訴.  嘩~唔使 3 秒即時找$80比我.   兩個經理+收銀….唔好意思 唔好意思…. 唉~~ 我牙痛完想飲下o野o者~~ 點解咁黑.

尋晚突然想睇波, 裝返 PPstream, PPlive, TVAnts~~ 之前重裝 window 剷哂, 而家又裝返. 不過歐洲盃太夜啦!! 00:00 或 02:45~05:00 唔使瞓咩 !! 又唔知有冇本地盜看, 唔鍾意睇大陸台啦.  原來 CCTV免費睇, 不過講普通話, 免了!  廣東體育台~廣東話, 06年世界杯都係睇佢… 其實係香港人主持. haha~  個Now TV 盒仔直頭連電都冇插 上次搬完位都幾個月啦~ 太懶. 是但啦, 都冇訂台. 比我 cut 哂 lu.

工作方面冇乜進展. 唯一一個”進展”, 就係暫定左個小型 roadmap…. 第一小階段, 定在 19 JUL 完成 點解呢日? 哈哈~唔知呢~ 希望之後o既階段可以順利完成.

裝個 ppstream 求其clik套戲睇, 剛剛播 T3, 好順暢. 由頭到尾冇窒過. umm~~~ No Fate but what we make ~