牙痛? 痱滋痛?? 難分!


尋晚噴西瓜霜, 今朝好返 50%.

好開心啦諗住……

點知到夜晚, 開始牙痛… 似乎唔係痱滋痛.

嗯~~~ 又執o野….. 執到成身汗, 沖涼洗頭, 之後飲 beer. 點知飲左 beer 隻牙更痛.

唉~~~ 唔想睇牙醫啦. 觀察o下先.  今晚噴埋些少西瓜霜…..

上年睇個牙醫, 牙肉痛之嘛, 都收我六百大元.

返來 check 下佢開咩藥比我….. 普通止痛藥、專殺變型蟲o既藥、念珠菌藥、抗生素、一小樽corsodyl….. 都唔知係咪個個人都咁開.  好似大雜燴   唔怪之牙醫咁發啦.  仲話我剝(牙)就剝梗, 差在剝幾多隻 

我唔想再見到佢呀 !!  而且發現佢係海鮮價,蛙媽去 收左兩百蚊咋!!  下次如果去的話….要著件穿窿 Tee 恤、爛拖鞋去先得, 起碼平兩百.

上年用剩 1/3枝 corsodyl ~不過唔想用呢隻o野. 用完 1-2hrs 唔可以飲食. 咁早上點搞呢~~ 唔夠時間食完先用~~ 日日都唔夠時間.

今晚心情又麻麻…. 又諗起 d 唔開心o野.  所以先諗住飲多 d beer. 點知又牙痛.

突然掛住呀邊個添…… 唉~~ 估唔到會掛得咁耐.   唔 happy.

繼續 beer…..


(102562.jpg )