近幾日心情好返 D, 昨晚又再出去冥想.  住港島就有呢個好處, 去做電車蛙又得, 去南區看海都方便.  

…….我成日話….幾千萬豪宅咪又係去淺水灣/南灣~~ 我都唔差.

雪櫃拿左罐 carlsberg 就出發, 搭叮叮直去石塘咀, 冥想發呆就當然係一個人啦. 比預計中要快. 只用了 20分鐘已去到西環. 叮叮唔係好慢架咩~~我好耐冇做電車蛙, 冇乜概念. 一直去到石塘咀落車, 下著毛毛細雨 幾密~~ 有 d 濕身.  經過山道 (條好高o既行車天橋下面), 一直行到堅尼地城.

今晚終於可以行出海旁, 而家o個度可以到達o既海旁已經比以前少.  係海旁公園呆站, 遙望對面青馬大橋燈光…..呆望海上經過o既船. 一直有毛毛細雨.  蛙喜歡下雨天,更喜歡稍涼o既天氣, 一件T 其實有點點涼.  海旁一帶多o左好多豪宅, 無敵海景啦. 不過我都唔差, 我都有無敵海景, 地面睇咁解   冥想o左好多事, 之後沿海邊馬路回程, 穿過公路旁行人路, 好長o既行人路只得蛙一人. 風勢非常大….毛毛雨, 好舒服  穿出石塘咀….再直出西環…都唔近. 之後叮叮離開.

好無聊 ? 哈哈~ 可能是吧. 不過….對我來講, 有時出街呆呆冥想係幾舒服. 如果願意花時間睇獎門人, 咁去冥想都唔係咁無聊o者