今日心情平伏 d d. 不過仍然好灰 ~~

早幾日同 A 君傾計, 唔覺唔覺識左廿年 佢同我做埋一樣工作…….

…… 而家當然比我好 d 啦, 話哂叫做”小企”老闆 (唔叫得”中”).  不過呢… 佢面對好大轉型壓力, 呢方面..我比佢好 d, 我比佢快o左幾年. 不過我地都走同一條路線 — 就係技術上”與大路”不同, 走小路.  走小路係既孤獨又難走的路.  有好有唔好, 當年蛙在舊公司就係憑”小路”建立o左好多o野.  不過…當然啦… 話明係”小路”(非主流), 有好多工具/構思/除錯…都要靠自己. 係好辛苦的. 技術要求亦較高, 搵人接手亦困難. 尤其近年… 差不多已全部人歸邊走向”大路”. 省錢省時間易請人供應多….  A 君同我面對一樣問題, 而且.. 近年祖國加入競爭, 都有好大影響.

所以呢….其實都幾大鑊. 蛙曾經諗過係咪一刀切一了百了, 但又唔知應該點做…好矛盾.  有人話不如返去舊行業算啦. 不過, 唔可能啦.  一來, 真係唔想再對住o個行, 每個環節已經一見就煩想嘔, 再對住好似入左棺材.  再者, 蛙當年”開荒”的公司, 在行內算有名堂, “江湖地位”算是頭位之一. 再去 d 二線(甚至更低)的公司… 可能心裡睇唔起佢地 咁樣好辛苦, 而且亦唔可能回到當天的位置.  而家好似睇住自己隻船沉, 但附近冇其他船… 再修補隻船 仍然可能沉. 隻船已經爛到好難再補.  都唔知應該點做.

今日上磅….


比 3 月中下跌 14磅

估唔到減肥多年都減唔到, 不減反增!

今個月竟然回到……唔記得幾多年前.

唔知會唔會跌到 14x 呢~~ 如果係o既話 就回到 10 年前了.

 

近呢個星期, 似乎心跳又有問題.  據講同心情&休息有關.

上次都幾年前了, 去專科做過檢查 話一切正常.  之後冇耐就恢復正常 一直冇事了. 

今次又來…似乎比上次嚴重.  有時是連續地隔次跳. 好似有快死的感覺.

觀察一排再決定要唔要睇醫生.