今晚…..做左好耐好耐冇做過o既事…. 搭叮叮去石塘咀.  我唔想見任何人, 唔想講o野.

石塘咀有條好高o既天橋, 有一輪我經常發夢… 夢見自己………

…..坐架車由一條天橋駛落o黎….開頭總記唔起o係邊度 (夢裡面視覺角度係在天橋上), 有次偶然經過石塘咀見到呢條橋 (地面望上去)….先至驚覺 就係呢條橋!  至於發夢前到底有冇行過呢條橋 就真係唔記得. 就算有 都應該唔知就係呢條.  呢條行車天橋比較特別係山上穿插大廈之間落o黎, 而且離開地面 4-6層樓高.  咁o既橋係比較少有.   而…呢條橋, 就在電影胭脂扣裡面出現過.  我今晚就經過呢條橋下面.

好耐冇行過西環, 落車後開始行屍走肉的一晚. 講實話….其他o野冇諗. 反而… 整晚係度反思 S 呢件事.  唉 ~~ 好嚇人呢~~又係 S.  但係冇法, 因為不能自拔. 原來甩唔到. 我都唔知點.  從好多角度去反思, 之後又勾起其他事, 一直擴散開去….諗o左好多o野.  今晚些少涼, 我著件短袖 polo, 裡面冇衫. 都有些少涼涼地. 不過有風, 幾舒服. 一路行一邊吹風, 唔錯.  不過可惜行唔到去海邊. 海邊被路政處圍了板 

沿電車路一直行…..好輕鬆咁漫步. 這區面貌多年來都沒太大改變. 一直行..行…行….唔經唔覺就到了上環, 繼續穿過中環, 喜歡穿過匯豐…上長江…上天橋…金鐘廊…Pacific Place…中銀…灣仔. 唔得啦, 腳軟了. 已經行了…未夠兩小時…?? 搭叮叮回程.  全程行屍約3小時.

我自己都不知道為什麼 S 會這樣深入蛙心. 很痛苦.

一年前仍然可以做隻開心蛙, 到現在…..實在沒法開心, 成為人見人憎o既負能量蛙.

我不想打擾人家的開心生活, 想 S 找到她想要的, 想她每天開心生活.

但我就逃不出一輪又一輪的低谷~

 

今晚邊行邊看街上店舖, 也有行一兩個小商場. 覺得很悶, 整個城市的東西 似乎都太熟悉, 已完全沒新鮮感. 看著這些店舖的伙計… 又在做 “junk job”…  自己, 有點厭世的感覺.