想了心願~~~

原本有o野要趕工, 不過…實在冇心情.



今晚…..整晚係度睇….?????….搞到心情好亂.

回想當年…. 當年追 ex-gf 之痛苦, 真係好難形容.

估唔到, 原本已平靜o既湖水, 到今時今日竟然湧起更大浪花. 完全始料不及.

不能自拔….. 我都知何必呢~~


成日低落 日頭都唔知做過乜. 成日諗起好多o野…..   

再咁落去…. 好有可能會毀掉工作. 破壞一切. 從此完蛋.

都好, 到咁o既結果咪一了百了囉.

掙扎中….

 

心情極壞, 想今星期約 ex 出來見面.  都有幾年冇見了.

可能搵佢重遊舊地, 影返 d 相. 誠意道歉, 始終覺得欠她一個道歉.

我呢 d 害人精, 係o丫~~ 分開係好事.  某人機警, 即丟垃圾桶, 毫不猶豫. good. 踩多兩腳嘛, 要留在垃圾桶 永不翻身先安全.

之後呢? …..嗯~~~ 講左成個星期都未買到 blank card.  np 真係乜都冇, 買張 blank card 都咁難.  再買唔到就白紙一張啦, 寫封 letter 問候舊友. 唔覺唔覺識左 18 年

之後….可能搵呀 A君, 話哂帶我入行o既恩師. n 年冇食過飯, 知佢又 depression, 嗯~~ 食餐飯了結呢排湧起o既心願.

再之後…..真係可能或者….約 X出來, 食餐飯, 都係道歉. 覺得欠她一個道歉. 這是蛙想完成的一個心願.  有個了斷.

至於其他舊友…..唔啦. 在心中算了.

至於 captain, 相信她已唔想見到我, 亦無謂打擾人家快樂心情. 其實, 與 captain 合照一張, 都成為蛙o既心願之一. 可能, 此生都無法完成呢個心願. 無偈喎, 已佔有一席位. 佔左就係佔左. 到蛙 rip 都一樣佔有一席.

上月撞到當年吵大鑊o既某人老婆, 而家諗返, 應該打個招呼. 我知佢唔會唔識我, 亦唔會繼續嬲. 呢個女人其實….唔係真係咁難相處, 雖然全公司其他人都好唔鍾意佢. 蛙同佢其實幾 close 的, 我都講過….佢會主動走來分我半個早餐食… 我又係覺得欠佢一個道歉. 當年我公開對住咁多人鬧佢, 實在好冇風度&氣量&放肆. 我真係當住咁多伙計面前拍枱鬧佢的. 即晚將公司幾十條鎖匙掟返比細老闆, 第二日遞信走. 其實唔應該咁對佢, 話哂婦孺之輩 兼且有份提攜蛙上位. o個陣間中都會同佢單對單去酒店餐廳食 lunch 傾下計, 相信冇伙計試過~呵呵~  嗯~~ 再有機會, 蛙真係會道歉.

 

其他…. 之前都講過, 想返大陸拜拜蛙爺&曾太爺, 求佢老人家原諒不孝孫.

他朝蛙走了之後, 龜龜….唔知邊個照顧. 得閒都要睇定地點….以前沙田中央公園有個好大池塘好多龜, 唔知而家仲有冇…..

蛙的動力愈來愈少, 不知何時熄滅.  灰~~