我其實好自私

同呀某人相處好開心好舒服, 所以呢 我一唔開心就會搵佢囉. 長期搵? 因為長期唔開心嘛. 你估蛙成日係網騎騎笑就係開心咩~~ 

咁但係又搞到呀某人唔開心. 不過呢, 因為一直評估對佢o既負面影響應該唔係太大, 所以繼續呢個”習慣”. 我真係好唔o岩囉.  係呢個惡性循環裡面, 最後呀某人咪憎死蛙囉. 不過, 而家都唔重要啦. 已經百詞莫辯. 蛙已經被定性為衰人&痴線.  一提起就驚&憎.

嗯~~如果可以洗甩呢個”惡名”就冇咁遺憾囉. 可惜冇機會.  仲有都係o個句 — 如果原諒我 我心會舒服 d 囉. 不過…. 睇怕都冇機會等到喇. 

不過, 當然, 我唔係當某人作為一件”解愁”工具o既, 裡面當然有友情啦~ 不過, 誤會太深喇. 無藥可救.   又係自作孽囉. 做人太直率太坦白, 有時真係會嚇親人架. 但就最舒服囉~ 自私哩~  係架~ 不過唔係蓄意”自私”o既, 只係冇乜警覺. 因為太鬆懈喇. 根本放低哂所有o野….防避呀、考慮呀、面具呀….之類啦, 咁先舒服嘛.

積積埋埋 d “罪孽”, 發作起上o黎又 depress ga la. 

都冇辦法啦~

不過, 相比起蛙以前 d 嚴重罪孽, 呢單唔算嚴重o既.

咩”嚴重罪孽”? 唔講啦~ 一 d 過去事, 呢兩星期depress o既事.

某人一兩 weeks 就唔再記得蛙了, 應該問題唔大o既.

開心生活啦~

哈哈哈~ 鬼叫你識蛙咩~~唔好彩中招.