哈哈哈哈~ 我冇事啦 
有冇咁快呀? 當然有啦.
其實今次鬧情緒係幾嚴重o既. down 到谷底, 好唔掂呀.
今日一開工又聽鬼叫啦~~ 又故障投訴啦~~ 又炸我 mail 啦~~ 無奈呀. 
reply”處理中”咪繼續遊魂囉. 我自己個蛙腦都故障啦, 邊得閒理你班友呀~~ 收左 mail 睇都冇睇, 到下午又打o黎問點搞, 我咪扮哂醒…. 哦~o個單野….睇緊睇緊….”你知啦嘛?….!”~~ 知 知 知… “處理中”…. 咁又收線~~ 一聽就知冇咁易搞啦~ 心裡有數,係缺憾來o架. 要大手術先醫到. 你撞正本蛙冇心情, “處理”多兩日先啦~ 我知冇咁快再發作. 
係咁hea到收工, 之前仲諗住唔開工, depress 落去. 收到呀 S 個 fd sd o野來, 都係咁 down 啦, 不過冇乜加重, 因為靈魂唔係度, 只係個肉體睇o左. 一直到收工之後食飯仲係好 down. 乜人都唔想見, 一隻蛙走去食, 坐係落地玻璃旁邊食, 點解頭上整枝射燈仔呀? 
本蛙冇心情仲射住我~~ 曬日光浴食飯 ??? 我又唔係龜~~ 噓 ~~~~ 
間o野好鬼靜, 都好 唔使嘈住我冥想.
down到咁其實唔關呀 S 事, 佢真係好無辜. 我發神經累到佢. 非常無奈. 
只係咁o岩佢係度, 同埋對住佢比較開心 咁就一手 wer 住佢, 點知….咁囉
食完飯係咁行行行, 又做行屍啦, 冇靈魂o架 ~~ 唔知點解, 有 d 記憶好似回帶咁, 飛快地回顧~~ 行行o下行到攰攰地, 突然又唔 down 了. 
唔知點解. 可能回帶回到最有 power o個段掛.
呢 d 唔知係咪 short short day 呢? 思覺失調 ? 可能都係喇. 人地無啦啦喊出來, 我就無啦啦唔 down.
其實呢, 對呀 S 件事 我真係非常非常抱歉.
呀邊個話我總共 sd o左 5 個 mail 比呀 S, 其實, 頭兩個有”內容”, 後 3 個係後悔莫及o者.
頭兩個 mail, 真係…唉~~~ 算啦. 總之發神經. 不過都唔重要喇. 蛙已經被定性為痴線 / short~~ 無可挽救. 算啦, 我只係一個無關痛癢o既過客. 不過嚇親人好無奈好對唔住囉. 呀 S 無啦啦會喊,我就無啦啦寫信….唉~~~ 真係慘.
我忽然好返, 唔係玩架. 唔係唔認真呀, 到晚飯前仲好 depress o架. 行左粒幾鐘就無情情好返
不過好可惜唔可以話比呀 S 聽啦. 我唔敢再 sd msg 比佢. 蛙就此成為痴線佬~~ 無奈呀. 香港又多一個痴線故仔呀!
其實蛙係衰人一個, 因為呢…. 蛙對住呀 S 真係好開心, 所以想對住佢囉. 有冇其他o野? d 衰o野唔好講喇. 之不過弊在呀 S 唔想對住蛙呢. 所以呢, 蛙呢 d 叫做自私囉. 今次呀 S 成為受害者. 哈哈哈哈~~ 無計啦, 鬼叫識蛙咩. 唔好彩唔好彩. o個兩封o野….忘記佢啦. 我自己都頂唔順. 當然, 失去o左 S 呢個 fd 仍然好可惜… 無奈x9999999999 呀.
其實過去兩星期, 有好多樣o野溝埋, 呀 S 只係無啦啦被拉o左入去, 勁慘呀.
今日收到呀 S 個 fd sd 來, 其實… 又幾好人囉, 應該勁鬧呀蛙嘛. 咁客氣做咩. 可能驚蛙去死掛? 傻啦~~ 真係當蛙痴左咩~ (證明蛙真係好嚇人囉~~) 真係講得好客氣喎. 好好心地囉. 好鬼就住就住, 感覺到o架, 掉轉頭有 d 感動添 ~
原本又想話比呀 S 聽我乜事都冇, 等佢都可以開懷 d, 減少呢個痴線驚魂. 喔~不過~哈哈哈哈 sd 唔到 lu. 算啦. 
試埋第二個, 得就得 唔得就算! 做咩 block 我呀~ 有錢執呀喂.
好啦~~ 唔知做乜 突然跳o左出來, 好似 n 年冇咁 high lu. 
到底邊樣影響呢? 我都唔知. 唔計呀 S (其實小事) 都起碼仲有 4-5樣o野一次過在兩星期內影響蛙呀, 再加上 d 長期o既o野~~ 不過蛙冇咁易瓜
呢個 blog 太灰喇, 得閒先改版. kakakaka
我冇事 lu~~~ Fighting !!
好開心呀
(0)
