咁就係新聞報導


旺角捉到17隻老鼠!!

咁都好報????

我又記返起 n 年前與鼠同眠o既日子.

當時床尾有個木櫃仔, 度門虛掩, 成為十幾隻老鼠的家.

因為臨近搬屋 我都費事理佢. 每晚我有我瞓覺, 佢地就在我腳後兩呎瞓覺, 河水不犯井水, 相安無事. 佢地又冇咬我.

所以我對老鼠o既吱吱聲好熟悉. 而家一聽就知係咪.

o個間屋 d 老鼠都幾夠營養, 大o既會大過貓仔. 巨獸呀 

以前捉老鼠都幾拿手. 方法好簡單, 一個超市袋, 然後嚇佢地亂走 好容易就入袋, 之後….哈哈, 扎起個口 掟去後巷對面樓個天台 不過, 有時會失手….. 變成飛天鼠….我當然睇唔到佢落地啦. 所以大家唔好行後巷囉.

有時更容易, 有次早上入廁所, 老鼠大哥企係坐廁邊, 我比佢嚇一跳, 佢又比我嚇一跳. 於是… 我向住佢….大叫一聲…. 咁佢就失足跌左落馬桶, 想走上來時…. 我一拉水….. 喔喔~~~ 再見了鼠大哥.

政府話要請顧問公司研究旺角滅鼠行動….. 不如請我啦. 半價就得