近十日鬧情緒… 估唔到鬧得咁耐.

朝早唔想食, 飲杯水就算. 午餐求求其啦. 晚餐基本上係4-5啖食完. 之後留肚啤酒.

今晚突然諗起上磅…. 喔~ 減4磅.  不過上次上磅都唔記得幾時了.

維持呢個狀態…. 減夠 14 磅 或 24磅 就最好. 輕身 d.

蛙媽話就快唔見左個肚腩. 咁咪好囉.

不過呢排心跳愈來愈唔舒服. 有 d 好似好緊張咁跳. 不過又冇其他唔舒服, 睇定 d 先. 放假幾日冇覺好瞓, 仲飲大o左亂講o野寫信比某人, 大大鑊累事, 好後悔 好後悔. 嚇親某人煩親某人真係 sorryx100000呀! 可惜已經恨錯難返, 誤會太多, 無可挽救.  有人話呢個某人又唔係邊個, 叫蛙唔使咁上心, 如果唔上心就唔會嚇到呢個某人極速逃走啦. 佢唔極速逃走又唔會爆發蛙更加”上心”啦.  因果循環呀.  呢 d 咪蛙o既報應囉.  一舊垃圾o既報應.  我是一舊垃圾 一早唔應該嚇人.  好啦, 而家搞成咁, 瓜左都抵死. 自作孽.