寫信
今天假期第一天, 非常非常攰. 仍然非常冇mood. 唔單單因為呀邊個o既, 佢只係點起左我冇mood o既火, 好多原因. 入水..沉啦.
尋晚諗住寫信比呀邊個, 唔知點寫好, 其實成個星期 一得閒就寫,不過剷哂. 寫完又剷 剷完又寫….寫乜鬼? 唔知呀~寫想寫o既o野囉. 夜晚11點寫寫寫…直到朝早5點. 又剷哂. 得個桔!! 
咁…其實…又唔係 non-stop 咁寫o既, 搞li樣o個樣咁囉. 唔知呀~總係有件事卡在心, 揮之不去. 睇怕最終都係要寫架喇. 又會比人鬧無聊,唔寫又有件事. 中左降?? 似似地. 唔係無聊先寫架, 斯維爾地寫的. 不過唔知寫到幾時先完工.
回想返…. 原來蛙從冇寫過呢類”信”/message. 即使呀某某某都冇收過.
不過蛙就收過呢類”信”. 其中一封係搭錯線, 得啖笑. 內容唔講啦 
寫信o既係一個外籍靚女同事, 仲有哂”智囊”指點. 可惜所託非人, 仍然搭錯線 
有時真係好心啦~~好心唔好咁多”智囊”啦. 呢d 咁私人o既o野, 其他人又點會清楚呢. d”智囊”成日誤判, 害死人架!
自從o個次搭錯線澄清左之後, 反而成日會同呢個外籍靚女”出雙入對”, 因為佢搵蛙過橋”驅蚊”. 呢個同事美其名來打工, 其實佢屋企非常有錢. 我同事去探佢, 由屋企大門駕車到”主樓”(客廳)約要3分鐘左右. 係HK有好多人追佢. 乘乘機機又來約. 於是,佢就撓著蛙去食飯,將呢d懵盛盛鬼仔鬼佬打發走. 過左咁耐唔怕講, 封”信”只得佢同個”智囊”知道, 所以其他人睇起上黎, 蛙同佢呢一”對”係奇奇怪怪… 玩囉 蛙就知咩事呢 
唔知點解 真係對佢完全冇興趣, 話哂都靚女一名o丫…. 我同佢去到邊..其他人都有 d 奇異目光 
其他o既”信”, 唔講啦~封口. anyway, thks.
尋晚同中龜揮手, 中龜開心得滯, 倒頭插左落條 la 度, 見佢好辛苦(在水中)透唔到氣. 我幫佢翻身時扭住條龜頸, 幾驚扭斷頸!! 即晚幫佢整返個圍欄防止下次. 好彩今日睇佢冇事.
中龜真係好 sweet 囉
頭先edit呢篇野 竟然下半部冇哂, 所以又打過 
真係黑仔
(0)
