“衛國戰爭”勝利 63周年.

其實二戰時蘇聯死亡人數二千五百萬, 正規軍佔9百萬, 是整個二戰死亡數字一半.  “衛國戰爭”之慘烈, 完全不是英美等國能比.

英美…其實死了數十萬”而已”.

….假如….當年德國沒向蘇聯開戰….日本沒炸珍珠港…. 現在不知是什麼世界呢??

直播女主持 ~ 幾靚喎  

俄兵都靚仔  

右邊就係由普京欽點o既俄羅斯新總統.  只上任兩日就來參加閱兵.

與中共不同的是….俄國由國防部長”閱兵”(在車上講話), 所有士兵向國防部長敬禮. 檢閱完再向總統”匯報”.

而中共就….如江澤民、鄧小平之類…. 就親身上陣. 應該以”中央軍委主席”身份吧.  中共軍國黨政合一….大混合!!…. 呵呵, 難免難免!!!

俄國防部長:

真係好耐冇見過俄國大閱兵了. 不過今次規模都唔算好大. 只得八千幾人.

都話俄仔靚仔啦 

我唔明點解一定要用個鼻孔對住人~

犀利呀~ 白楊M洲際導彈!!  一枝威力等於 60枝炸廣島o既原子彈. 仲可以多彈頭、遙控變軌、抗核爆干擾….. 射程1萬公里, 流動發射.

呢個傀儡總統…. 我覺得好好笑.  外交、內政、經濟….都由普京欽點人選. 可以話身邊全部是普京人馬.

呢個總統….好似傻仔.   (普京已做了兩任, 不可做第三任, 又唔想改憲法, 於是搵呢個傻佬出來做…而普京就做”第二位置” - 總理 )

呢位仁兄一上工 第一件事就係”委任”普京做總理.

哈哈~~ 今日無厘頭完畢.  無端端講俄國閱兵~~ 因為我剛剛睇完片.   不過…. 我覺得都係納粹閱兵犀利 D. 同埋希特拉o個種魔力… 真係無法擋 !  一個手勢就號令天下.

納粹紐倫堡閱兵 :

kakaka~ 經過兩個月發神經之後, 而家心情好返好多. 

不過, 之前想了斷o既o野, 仍然會做.  睇下啦, 幾時有時間就做o左佢. 了件心事.

兩個月內, 最最可惜, 當然係冇o左 net fd. S 啦.  嗯 ~~ 不過…我呢 d 垃圾, 咁o既下場都係遲早. 祝佢每日開開心啦.  唔希望我做成佢任何陰影.  講真一句~ 原來…. 哈~~唔講啦. 祝福佢啦. 其實….以佢咁o既性格….我幾…都係唔講啦~~ 希望佢日日開心~~ 嗯~~ 呢件事之後, 原來佢走左去某位置. ~ 真係估唔到. 幸好蛙o既記憶體仲夠用.

兩個月來~比較好o既 當然係減左肥啦, 皮帶剪左吋幾. 雖然仲可以減, 不過已經減左 11磅. 上星期係 -14, 而家已回升幾磅.  嗯~~ 個幾月內急跌14磅, 可以話近年少見.  比人話我唔見左個肚…   係最唔開心o個兩星期, 餐餐都食兩啖咁大把. 唔減都唔得啦. 唔餓死都偷笑 比人話咁樣會營養不良~~ 是但啦~~ 低落起上黎, 真係… 瀕死邊緣, 唔會諗營養.

n 年前蛙曾經入醫院. 當時住廿幾日院, 跌足廿幾磅.  今次冇入院 都跌十幾. 呵呵~~ 兩星期內出左好多白頭髮.  比起一個月前多左好多倍.  唔知遲 d 會唔會少返呢…   d 頭髮乾乾旱咁. 而家加重料落返 conditioner.

嗯~~ 工作基本上仍然低落, 不過當然比兩個月前好 d.  新 project 重新 pickup, 不過都唔多投入. 唔知啦~~ 好似個引擎開唔到咁.  可能呢兩個月各方面都太低落, 要些少時間恢復.

早幾日貼過關於 borland o既o野, 唔知點解睇返 borland 歷史, 突然有些少能量注入體內  而家改左名 去哂 Codegear, 不過我心中仍然係 Borland.  而家個人好似積極返 d 咁. 真係神奇. 可能共同成長..對得太耐喇… borland 已進入我生命 

~~ 雖然未完全好返哂, 不過已比上星期好. 有時間會再諗諗要重整 d 乜.  同埋好耐冇打過機, 除左上次好唔開心時 連打十幾廿個鐘. 由朝到晚….足不出戶…. 麻醉自己, 唔使諗o野. 點知打到 card 都死埋.  差 d 要成台機換. 人黑真係衰到貼地的.  話過要清垃圾, 不過日日返來都hea 下 hea 下, 唔覺唔覺又點幾 仲執乜鬼. 明日復明日….. 唉~~

我在無名開了 blog.

無名分站: 

http://www.wretch.cc/blog/frogfroghk 

開咁多做乜? 冇… 因為呢個 mocasting 唔多穩定.  而且無名有 build-in o既 Album/Guestbook/好多o既 Theme. 如果呢個 mocasting 再繼續唔穩定, 真係可能走人.

不過, 暫時都留係呢度.  因為呢度貼 HTML 比較容易.  無名呢…暫時連貼音樂都未搞清. 

我而家有 Facebook/Xanga/yahoo/Blogspot/mocasting/wretch 了. 呵呵呵~~~

不過, Active 只有 FB/Mocasting.   Xanga 嗎? 都是寫 S 的.  不過唔會有人睇. S 己 Blk 了我~ 憎到我入骨啦 perhaps. 

Xanga 轉了新 Theme look 後 我覺得好似麻煩o左. 比以前仲麻煩.  唔多鍾意.  所以不能替代呢度.

最近經常玩 FB.  好多 App 玩.  d 小 game 都幾好, 唔使用腦.   MSN ? 都冇乜啦. 自從 S 件事, 我個 MSN 已經非常靜.

嗯~~ 其實…. 以前 即使有野做, 都會懶~~唔做, 因為工作性質, 好多時可以係 home 做 d, 不過, o個陣因為對住 S 好開心, 都會放低 “沒迫切性”o既o野….   而家雖然 S 已丟o左我, 不過….仍然提唔起精神去做o野.  算啦~~ 頹廢下去.  都幾舒服.   以前一直提醒自己….. 唔好將工作帶回家.  舊年基本上做到.  以後…. 唔知.  

還記得蛙 10歲時… 覺得 12歲”很遙遠”………

還記得蛙小時….10歲?? 差不多吧. 外公說 12歲便要”自治”(自我管理)… 覺得兩年… 一個遙遠的數字.  當然很快就到了.  12,3 歲時, 因為家庭問題很嚴重, 當時也想過….活到19歲是極限了. 受夠了… 覺得….6-7年 是很遙遠的事. 19歲離自己很遠~~ 夠啦, 活多這麼多年. 不經不覺又到了. 23,24歲時…. 又覺得….3-40歲?? 很遠啦~~ 當時同事都說…. 你”大把世界”….. 呵呵~~~ 為免在這裡暴露年齡, 之後的不說.. 

總之, 隨著年齡增大, 對時間的感受會不同. 年紀輕時 總覺得些少年數就距離很遠….. 可能, 對年齡/年份/時間的感覺 是與自己年齡按比例 去感受吧.  一個 5 歲的人會認為 10 歲”很大個”, 一個 10 歲的人, 可能覺得20歲的人很遙遠, 很難理解, “非我族類”….另一代人…不能理喻….  而一個20歲的人對 40歲的, 又是同一種看法.  而一個 40 歲的, 對80歲的 亦是同一看法…..  不過,有點要留意的是…… 5 歲 vs 10歲, 20年後 就是 25 vs 30.  25與30之間的看法又不同了, 可能比較接近.  我覺得….這可能因為人的變化 會隨著年齡增大而減慢, 所謂的”大定”.

嗯~~ 想講什麼?? 我自己都不知道了.  看到什麼就是什麼啦. 呵呵~~

蛙經常都隨心亂說啦~~ 反正沒什麼人看. 哈哈

近幾日心情好返 D, 昨晚又再出去冥想.  住港島就有呢個好處, 去做電車蛙又得, 去南區看海都方便.  

…….我成日話….幾千萬豪宅咪又係去淺水灣/南灣~~ 我都唔差.

雪櫃拿左罐 carlsberg 就出發, 搭叮叮直去石塘咀, 冥想發呆就當然係一個人啦. 比預計中要快. 只用了 20分鐘已去到西環. 叮叮唔係好慢架咩~~我好耐冇做電車蛙, 冇乜概念. 一直去到石塘咀落車, 下著毛毛細雨 幾密~~ 有 d 濕身.  經過山道 (條好高o既行車天橋下面), 一直行到堅尼地城.

今晚終於可以行出海旁, 而家o個度可以到達o既海旁已經比以前少.  係海旁公園呆站, 遙望對面青馬大橋燈光…..呆望海上經過o既船. 一直有毛毛細雨.  蛙喜歡下雨天,更喜歡稍涼o既天氣, 一件T 其實有點點涼.  海旁一帶多o左好多豪宅, 無敵海景啦. 不過我都唔差, 我都有無敵海景, 地面睇咁解   冥想o左好多事, 之後沿海邊馬路回程, 穿過公路旁行人路, 好長o既行人路只得蛙一人. 風勢非常大….毛毛雨, 好舒服  穿出石塘咀….再直出西環…都唔近. 之後叮叮離開.

好無聊 ? 哈哈~ 可能是吧. 不過….對我來講, 有時出街呆呆冥想係幾舒服. 如果願意花時間睇獎門人, 咁去冥想都唔係咁無聊o者 

一個….算是哲學問題.

這問題並不新鮮, 但帶出了相同的問題….人類大約七年便會完成更換全身的細胞, 這是漸進的新陳代謝結果.  那麼…今天的你與七年前的你, 其實在”硬件”上已完全不同. “硬件”定義上, 可以說…舊的你已死, 現在的你並不是”真正”的你.   但似乎你還是你…….. 原因?? ……是”軟件”–記憶, 內藏了價值觀、個人經歷與思維.

現在生存的你是新的, 接收了”以前”你的”軟體”, 舊的你(硬件)…死了.

以此理解又引伸到……..人生 就是”硬體”的更替 與 “軟體”的承繼….

嗯~~~ “硬體”用了多少年固然重要, 年紀大 機器壞 , 不過最重要的還是”軟體”.

……. 呢個課題 會引伸到乜o野其他 topic…… 唔知呢~~ 各自表述啦.

胡思亂想完畢~~ 呵呵

你又過了幾多個 7 年 cycle??

不經不覺 追隨 Borland 產品已 n 年,  陪伴了蛙大半生.

一間公司, 一個牌子,  竟有著這麼長的影響以及感情, 這…真的很少有.  可說從沒其他商品有此力量.

蛙認識一位硬件工程師, 每次問候蛙都問一個問題… 還跟著 Borland 嗎? 蛙都答…是…..

又問…B…還在嗎?? 不是消失了?? 快沉的了. 還不跳船….

蛙的答案是…..沒得跳, 要沉的就跟著沉. 同生共死.  

回想…. Borland 的光輝歲月 剛好與蛙的”光輝歲月”差不多時段. 似乎…大家命運的步伐有點近似.  呵呵呵~~ 老人家才知道什麼是 Borland 的”光輝歲月” ~~ 痛快的擊倒巨人對手M$~~ 呵呵呵

當年, 作為 Borland 堅實支持者 心裡是看不起M$的.  M$財雄勢大卻落後於人, 只懂使用邪惡手段作不公平兢爭.  到了今天…  看著M$勢力的坐大, 當然無話可說. 但心裡仍然看不起 M$.   可笑的是…. Borland 其中一位靈魂人物, 被 M$收買了. 雖然人面全非, 但蛙對 Borland仍然有深厚感情的.

當年盜版盛行, 很便宜便可得到. 但蛙仍堅持花費大筆金錢訂購原版 Borland 產品.

回看 Borland Video, 感慨良多.

由如日中天的軟件先鋒…到中後期的財務困境… 再到”前路不明”甚至眾人擔心的瓦解下場. 可說是一代人的記憶, 一段輝煌戰鬥史的印記. 雖然現在似乎又活躍起來, 不過… 前境有待觀察. 近幾年的 B 支持者 都在戰戰兢兢中渡過….唏噓.

這些 Video….呵呵~ 比較好笑是 Evil Empire 的影射~~ 對! Borland 人(起碼..早至中期的)或多或少都有對抗 “Evil Empire”的心態, 或對 “Evil Empire”的鄙視 這是經歷過那段時間戰鬥過的人才會明白的.   可能有點可笑. 現在大部份人都會說… 誰大份就跟著誰, 誰能找錢就跟誰.  不過… 老舊的 borland 人會比較明白…. 當年戰況如何激烈. 

…有一段是對戰黑武士, 提到”the future is cross-platform”. 後來, borland 真的做了 - the Kylix (一套code 可編出用於 M$ 與 linux 的 crossplatform compiler. ) 不過, 可惜…. Kylix 現在的狀況是 “可見將來不會有新版本”, 而且亦在最近的 codegear 產品轉移中消失於名單外. 唏噓~~

這裡回憶一下….. 帶回一頁頁熟悉的畫面.